⚽ Futboll
Amorim mbërrin në Mançester nën përcjellje të rreptë të policisë
nga Venera Grabanica11 nëntor 2024
Ruben Amorim ka arritur në Mançester për të filluar punën si trajner i Manchester United, por ai mori vëmendje të madhe pasi u pa i shoqëruar nga një eskortë e policisë.
Ish-trajnerit të Sporting Lisbonës iu bashkuan pesë ndihmësit e tij – Carlos Fernandes, Adelio Candido, Paulo Barreira, Emanuel Ferro dhe Jorge Vital.
Portugezi zbriti në Mançester pak para orës 14:00 dhe doli nga avioni privat përpara se të merrte shoqërimin. Ai dukej se po përpiqej të fshihej nga kamerat ndërsa po bënte rrugën e tij drejt zyreve të klubit.
Amorim shijoi një lamtumirë përrallore në Sporting të dielën në mbrëmje, më pak se 12 orë përpara se të nisej për të marrë rolin e tij të ri te Djajtë e Kuq, teksa klubi portugez u rikthyer me përmbysje për të triumfuar 4-2 ndaj Bragës.
Tani, kryetrajneri 39-vjeçar e kthen vëmendjen te Manchester United aty ku do të pasojë holandezin Eric Ten Hag i cili u largua pas një serie negative të rezultateve.
