Panairi do të zgjasë për tre ditë rradhazi
Me 1 nëtor për herë të parë në Kryeqytin e Kosovës, do të hapet panairi i prodhimeve vendore bujqësore.
Ekonomitë familjare dhe ndërmarrjet bujqësore prodhuese e përpunuese të territorit të Prishtinës, do të kenë rastin t’i ekspozojnë prodhimet e tyre, me ç ‘rast vizitorët e panairit do të njoftohen për së afërmi me prodhimet vendore, shkruan rtv21.tv
Ky panair për qëllim ka që të promovojë prodhuesit bujqësorë vendorë, ashtu që të kemi zhvillim rural të qëndrueshëm.
Motoja e këtij panairi është “Mendo për nesër, blej prodhime vendore”, dhe do të zgjasë tre ditë rradhazi në sheshin “Zahir Pajaziti” në Prishtinë./21Media
