“Kemi kërkuar të hapen më shumë qendra të vaksinimit, të rritet stafi shëndetësor”

Kryetari i Asociacionit të Komunave të Kosovës, Sazan Ibrahimi sonte tha se është jashtë çdo logjike që komuna e Prishtinës ta ketë vetëm një qendër të vaksinimit.
Ai në “Click” të RTV21 tha se kanë kërkuar që të hapen më shumë qendra të vaksinimit, të shtohet numri i punonjësve shëndetësorë, por që të punohet edhe ditëve të vikendit.
Ibrahimi shtoi se iu është premtuar që do të anazhohen edhe 420 punëtorë të tjerë shëndetësorë që t’i përkrahin komunat nëpër qendrat e mjekësisë familjare./21Media