Abdixhiku në Malishevë premton rritje të pensionit për 36.2% dhe barna falas

Lidhja Demokratike e Kosovës,mbajti tubim në Malishevë, kandidati për kryeministër nga ky subjekt politik Lumir Abdixhiku foli për zotimet e programit të tij politik ‘’Rruga e Re’’.

Abdixhiku premtoi rritje për kategorinë e pensionistëve, për 36.2% dhe barna falas për ta.

‘’Është koha të zgjedhni edhe për ata pensionistë që pas një jete të tërë pune, duhet të mendojnë dy herë se a kanë mjaftueshëm për barnat që ju duhen sot, për gjyshërit e gjyshet tona, që të lënë në lëmoshë qeveritare, nisin të ndjejnë veten si tepricë të kësaj shoqërie, atyre që vetes kanë lënë projektin më të madh për ne, lirinë, shtetësinë, pavarësinë, ju themi se shteti i tyre do të kujdeset për ta, si pjesë fisnike e një shoqërie fisnike’’, tha Abdixhiku.