Xhaçka tregon se në samitin e NATO-s u diskutua për stabilitetin në Kosovë

Ministrja e Jashtme e Shqipërisë, Olta Xhaçka, ka treguar se në Samitin e NATO-s që u mbajt në Vilnius, është diskutuar edhe për sigurinë dhe stabilitetin në Kosovë dhe në Bosnjë e Hercegovinë, njofton rtv21.tv.

“Me Ministrat e Jashtëm të NATO-s theksuam rolin vendimtar të bashkëpunimit mes Bashkimit Evropian dhe NATO për sigurinë dhe stabilitetin e Ballkanit Perëndimor, në veçanti për Kosovën dhe Bosnje Hercegovinën”, shkroi Xhaçka në Facebook.

Xhaçka po ashtu tha se në samit u rikonfirmua angazhimi për të rritur më tej mbështetjen politike dhe praktike për Ukrainën.

“Vendosëm të themelojmë Këshillin NATO-Ukrainë, një organ i ri i përbashkët ku Aleatët dhe Ukraina do të ulen si anëtarë të barabartë për të çuar përpara dialogun politik, angazhimin, bashkëpunimin dhe aspiratat e Ukrainës për anëtarësim në NATO”, u shpreh ajo.

“Gjithashtu theksova mbështetjen e palëkundur të Shqipërisë për partnerët tanë si Bosnja Hercegovina, Gjeorgjia dhe Moldavia të prekur nga situata aktuale e sigurisë”, përfundoi ministrja. /21Media