Tetë të vrarë nga të shtënat në shkollën serbe, arrestohet 14 vjeçari

(Lajm i përditësuar)

Të paktën tetë nxënës dhe një roje sigurie janë vrarë pas të shtënave në një shkollë fillore në kryeqytetin e Serbisë, Beograd.

Gjashtë nxënës të tjerë dhe një mësues u plagosën në sulm dhe janë dërguar në spital, thuhet në një deklaratë të qeverisë

Policia arrestoi një djalë 14-vjeçar në lidhje me sulmin në shkollën Vladislav Ribnikar

Shokët e klasës së të dyshuarit thonë se ai hyri në orën e historisë, fillimisht qëlloi mësuesin dhe më pas ia ktheu armën bashkënxënësve të tij.

Ai gjithashtu dyshohet se qëlloi të paktën një roje sigurie që u përpoq ta pengonte atë të hynte në shkollë.

Zyrtarët thonë se i dyshuari dyshohet se ka përdorur armën e babait të tij.

Beograd, nxënësi i klasës së shtatë gjuan me armë në shkollë, vritet roja dhe plagosën pesë nxënës

Një nxënës i klasës së shtatë ka shtënë me armë zjarri mëngjesin e sotëm në një shkollë fillore në Beograd ku si pasojë u vra roja i sigurisë dhe mbetën të lënduar pesë nxënës.

Siç raportojnë mediat serbë tre prej nxënësve janë transferuar në Tirshovë, ku njëri prej tyre është në rrezik për jetë,  e që i njëjti ka hyrë në sallë të operacionit me lëndime në kokë, ndërsa dy të tjerë janë në terapi intensiv.

Policia ka bërë të ditur se i mituri është arrestuar, ndërsa arma që është përdorur dyshohet të jetë e babait të nxënësit./21Media