Tentoi të transportonte 7 emigrantë të paligjshëm, arrestohet një 21 vjeçar

Një 21 vjeçar u arrestua në Himarë, sepse tentoi të transportonte 7 emigrantë të paligjshëm. Policia sot informoi se arrestimi i 21 vjeçarit u bë në afërsi të fshatit Piqeras, duke tentuar të transportonte, kundrejt fitimit, 7 emigrantë të paligjshëm, dy prej të cilëve i kishte futur në automjet.
“Tentoi të transportonte 7 emigrantë të paligjshëm, vihet në pranga 21-vjeçari. Shërbimet e Komisariatit të Policisë Himarë, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit, në bazë të informacioneve policore, kanë organizuar dhe finalizuar me sukses operacionin policor “Piqeras”, si rezultat i të cilit u arrestua në flagrancë shtetasi K. Sh., 21 vjeç. Arrestimi i këtij shtetasi u bë pasi u kap në flagrancë nga shërbimet e Policisë, në afërsi të fshatit Piqeras, duke tentuar të transportonte, kundrejt fitimit, 7 emigrantë të paligjshëm, 2 prej të cilëve i kishte futur në automjet.”, bëri të ditur Policia.
Materialet i kaluan Prokurorisë pranë Gjykatës së Shkallës së Parë Vlorë, për veprën penale “Ndihma për kalim të paligjshëm të kufijve”./21Media