Misteri i shtëpisë më të vetmuar në botë

Teori misterioze janë rrotulluar rreth një shtëpie të vogël të quajtur shtëpia më e vetmuar në botë.
U shfaqën foto të një shtëpie të vogël të bardhë në ishullin Elliðaey në jug të Islandës.
Duke qenë e vetmja ndërtesë në ishullin e shkretë, ajo ka tërhequr disa mite, transmeton rtv21.tv.
Sipas thashethemeve, shtëpia u ndërtua nga një miliarder i cili planifikoi të transferohej në ishullin e largët në rast të një apokalipsi zombie.
Njerëz të tjerë sugjeruan se një vetmitar fetar mund të jetonte atje.
Një tjetër teori popullore e cila më vonë u hodh poshtë tha se qeveria islandeze ia kishte dhuruar ishullin këngëtares Bjork.
Disa madje pretenduan se shtëpia nuk ekzistonte, por ajo ishte photoshop përpara se fotografitë të publikoheshin në internet.
Elliðaey, pjesë e arkipelagut Vestmannaeyjar, tani është plotësisht e shkretë, por ishte e banuar rreth 300 vjet më parë. Pesë familje që jetonin atje mbështeteshin në peshkimin dhe rritjen e bagëtive.
Por në vitet 1930, banorët e fundit u larguan nga ishulli, i cili ka qenë i shkretë që atëherë.
Realiteti që rrethon shtëpinë misterioze në ishull është shumë më pak emocionues sesa teoritë rreth saj.
Ajo u ndërtua nga Shoqata e Gjuetisë Elliðaey. Shtëpia shërben si një bazë gjuetie për grupin për të mbështetur aktivitetet e tyre në ishull.
Duke qenë në ishullin e largët, prona nuk ka energji elektrike, ujë të rrjedhshëm. Megjithatë, ajo ka një sistem natyror të grumbullimit të ujit të shiut.
Ishulli është renditur gjithashtu si një rezervë natyrore dhe zonë e mbrojtur.
Kompanitë turistike ofrojnë udhëtime ditore në Elliðaey për turistët që duan të eksplorojnë mjedisin e tij natyror./21Media