“Mishin nuk e shohim me sy, hamë bukë e gjizë”, qytetarët ankohen për çmimin e mishit

Festa e Bajramit sipas traditës e do edhe mishin në tryezë. Por a do të kenë mundësi ta blejnë qytetarët, kur çmimi i kilogramit të mishit ka shkuar në 600 denarë e sipër.

Anketuam disa qytetarë në Tetovë. Ata thonë se çmimi është i lartë, e njëri prej tyre tha se mishin nuk e shohim me sy, hamë vetëm bukë e gjizë.

“Çmimet kanë hipë shumë lartë. Mish nuk ka më, mishin nuk mund ta shohim me sy. Të presim kafshë nuk kemi edhe nuk ka mish, do hamë bukë e gjizë dhe do kalojmë ashtu”.

“Normale, ai që ka më pak pare do hajë më pak, aj që ka ma shumë do haje më shumë, çmimet për ata që kanë kafshë janë mirë, për ne që blejmë nuk janë mirë.

A kanë hipë çmimet e mishit shumë?

“Në treg po të shkosh me peshë të përgjithshme të blesh, nga vjet, sivjet ka hipur nje euro çmimi”.

“Gjithë ata fshatarë, blegtorë prodhues të mishit janë zhdukur. Me të vërtet shumë janë zhdukur. Ne mishin e shesim edhe blejmë qofte edhe qebapë”.

“Unë për vete ha, sepse kam therë kafshën time dhe e ha, ata që s’kanë e shijojnë ilu në dritare edhe e ulin kokën dhe shkojnë”.

Tentuam të xhirojmë edhe në disa mishtore të Tetovës, por ato nuk lejuan. Pamë qytetarë duke blerë mish por ata thonë se blejnë në sasi më të vogël se sa vitete kaluara./21Media