Ministria e Mjedisit i përgjigjet komunës së Prishtinës për ndërtimet e planifikuara afër Badovcit
MMPH thotë se ka obliguar Komunën e Prishtinës të veprojë sipas katër dokumenteve Ministria e Mjedisit dhe Planifikimit Hapësinor përmes një komunikate ka dhënë sqarime të tjera rreth ndërtimit të pla
MMPH thotë se ka obliguar Komunën e Prishtinës të veprojë sipas katër dokumenteve
Ministria e Mjedisit dhe Planifikimit Hapësinor përmes një komunikate ka dhënë sqarime të tjera rreth ndërtimit të planifikuar në afërsi të Liqenit të Badovcit.
MMPH përmes komunikatës ka thënë se asnjëherë nuk e ka obliguar Komunën e Prishtinës të japë kushtet ndërtimore për investitorët dhe të veprojë në kundërshtim me dispozitat ligjore në fuqi.
Në komunikatë MMPH thotë se ka obliguar Komunën e Prishtinës të veprojë sipas katër dokumenteve.
Planit Zhvillimor Komunal i cili është në fuqi, Vendimit të Qeverise se Kosovës Nr. 16/127 dt. 24 02 2013 i për Përcaktimin e Zonave Mbrojtëse te burimit Ujor përreth Liqenit të Badovcit; Ligjit Nr. 04/L-110 për Ndërtim dhe Udhëzimit Administrativ MMPH 06/2017- Për Përcaktimin e Procedurave për Përgatitjen dhe Shqyrtimin e Kërkesave për Kushtet Ndërtimore dhe Lejen Ndërtimore dhe Leje rrënimi për Kategorinë e I dhe te II të ndërtimeve.
Më tej në komunikatë MMPH ka bërë të ditur se tashmë ka dërguar inspektorët në komunë për të verifikuar nga afër dokumentet e lëshuara nga Komuna e Prishtinës për investitorët KAËA GROUP, 4M Group si dhe një Rrahman Haredinit.
“Këto dispozita ligjore përcaktojnë kriteret dhe mënyrën e shqyrtimit të kushteve ndërtimore me ç ‘rast Komuna ka qenë e obliguar që të veproj sipas dispozitave ligjore në fuqi si:
Vendimit të Qeverise së Kosovës Nr.16/127 dt. 24 02 2013 i për Përcaktimin e Zonave Mbrojtëse të Burimit Ujor përreth Liqenit të Badovcit (nenit 7 dhe nenit 13 pika 8 dhe 9).
Ligjit Nr. 04/L-110 për Ndërtim dhe Udhëzimit Administrativ MMPH 06/2017 Për Përcaktimin e Procedurave për përgatitjen dhe shqyrtimin e kërkesave për kushtet ndërtimore dhe lejen ndërtimore dhe leje rrënimi për Kategorinë e I dhe të II të ndërtimeve (nenit 11 paragrafi 1 shtojca 1 pika 6b)”, thuhet në komunikatën e MMPH.
Për më tepër MMPH ka thënë se me datën 13.01.2020 i kanë dërguar shkresë komunës së Prishtinës përkatësisht Kërkesë për informim lidhur me rastin në fjalë me të cilën kërkon sqarim rreth shqetësimit të qytetareve dhe mediave lidhur me iniciativën e projektit, por komuna edne nuk ka kthyer përgjigje./kallxo
UEFA humb besimin te Infantino, paralajmëron masa ndaj udhëheqjes së FIFA-s
Partneri i Katy Perry-t, Justin Trudeau, mbështet këngëtaren nga afër në Sunny Hill Festival
Kurti thirrje BE-së dhe SHBA-së: Serbia të deklasifikojë dokumentacionin e krimeve të luftës
Vd*q një person, dyshohet se u rrëzua sa ishte i dehur
Gashi: LDK-në nuk e ndal askush, nuk e frikëson as presioni nga jashtë dhe as sfidat nga brenda
Nga Shqipëria drejt tregjeve ndërkombëtare, automjetet ushtarake “Made in Albania” do të eksportohen në 30 shtete
Më të fundit
Të gjitha →
Po kërkoni të notoni? Ja 11 këshilla për të qëndruar të sigurt në ujërat e hapura
Haziri: Nëse Vetëvendosje ka vullnet, LDK i mbyllë për 24 orë të gjitha çështjet
Vazhdon rritja e çmimit të naftës, sot një litër kushton 1.77 euro
