Martinez gati të rikthehet për Manchester United pas fitores në Katar

Ylli i Manchester United, Lisandro Martinez, është gati të rikthehet në punë me Djajtë e Kuq, pasi festoi triumfin e Argjentinës në Kupën e Botës në Katar.
Man Utd do të përballet me Bournemouth në Premier League të martën dhe Martinez është në garë për të luajtur pas kthimit në klub pas Kupës së Botës.
Mbrojtësi është kthyer në Argjentinë duke festuar fitimin e titullit në Katar me La Albiceleste, por thotë se fokusi i tij tani është kthyer te Djajtë e Kuq.
“Të jem i sinqertë, është një ndjenjë unike. Ka gëzim. Dua të shijoj çdo sekondë sepse të jesh kampion bote është gjëja më e mirë në futboll. Por ne e kemi festuar tani, kemi përfunduar të gjitha festat. Tani jam i fokusuar këtu në Mançester dhe do të punoj që të jap gjithçka dhe të bëj gjithçka gati për ndeshjen”, tha ai.
Erik ten Hag ka përdorur mbrojtësin e majtë Luke Shaw në mbrojtjen qendrore në dy ndeshjet e fundit të Man Utd, të cilat kanë sjellë fitore ndaj Nottingham Forest dhe Wolves.
Trajneri ka thënë se anglezi mbetet një opsion në qendërmbrojtësin, por ai pritet të tërheqë Martinez së bashku me Raphael Varane për përballjen kundër Qershive./21Media