Konfiskohen 9 kg drogë në Mazgit, policia arreston dy të dyshuar
Nëntë kilogramë drogë janë konfiskuar mbrëmë në dalje të autostradës në fshatin Mazgit të Obiliq. Policia ka njoftuar se substancat narkotike dyshohet të jenë marihuanë. Lidhur me rastin, policia ka a
Nëntë kilogramë drogë janë konfiskuar mbrëmë në dalje të autostradës në fshatin Mazgit të Obiliq.
Policia ka njoftuar se substancat narkotike dyshohet të jenë marihuanë.
Lidhur me rastin, policia ka arrestuar dy persona që kanë qenë në veturë.
“Hetuesit policorë nga Sektori Qendror për Hetimin me Narkotik, më 01.11.2024 në ora 19:00, në koordinim me agjenci tjera të sigurisë, në dalje të autostradës në fshatin Mazgit, kanë ndaluar për kontroll një veturë. Gjatë kontrollit të veturës, janë gjetur rreth 9 kg lëndë narkotike që dyshohet të jetë marihuanë. Kurse gjatë kontrollit të dy personave që kanë qenë në veturë, janë gjetur dhe rreth 0.5 gr lëndë narkotike që dyshohet të jetë kokainë dhe te personi tjetër rreth 94 gr lëndë narkotike, dyshohet të jetë marihuanë”, thuhet në njoftim.
Për rastin është njoftuar prokurori kujdestar dhe në koordinim me organet e drejtësisë janë kontrolluar dy lokacione.
“Gjatë kontrollit në njërin lokacion janë gjetur 16 gr lëndë narkotikë, dyshohet të jetë kokainë. Kurse, në lokacionin tjetër janë gjetur 418 gr lëndë narkotike, dyshohet të jetë marihuanë”, thuhet mes tjerash në njoftim,
Policia bën të ditur se në tërësi, gjatë këtij operacioni policor janë konfiskuar 9 kg e 512 gr lëndë narkotike që dyshohet të jetë marihuanë dhe 16.5 gr substancë që dyshohet të jetë kokainë.
“E tërë lënda narkotike e konfiskuar, mendohet se ka vlerë tregu rreth 15 mijë euro. Po ashtu, janë konfiskuar edhe një veturë dhe një telefon”, thuhet në njoftim.
Pas intervistimit të të dyshuarve, me aktvendim të prokurorit, dy të dyshuarit: R.H., (viti i lindjes 1965, mashkull kosovar) dhe A.Z., (viti i lindjes 1998, mashkull kosovar), janë dërguar në mbajtje./21Media
Haziri: Nëse Vetëvendosje ka vullnet, LDK i mbyllë për 24 orë të gjitha çështjet
Vazhdon rritja e çmimit të naftës, sot një litër kushton 1.77 euro
Edhe sot qarkullimi i kamionëve mbi 20 tonë është i kufizuar në autostradë
Temperatura përvëluese sot në Kosovë
Sot dhe nesër mot me diell dhe temperatura të larta deri në 36 gradë
Shpëtohet mrekullisht një fëmijë pas rënies në ujë në Motrovicë
Më të fundit
Të gjitha →Nga Shqipëria drejt tregjeve ndërkombëtare, automjetet ush*arake “Made in Albania” do të eksportohen në 30 shtete
Po kërkoni të notoni? Ja 11 këshilla për të qëndruar të sigurt në ujërat e hapura
Katy Perry e vendos flamurin e Kosovës në “hapësirë”
